Афғонистонда ҳарбий вертолёт ҳалокатга учради - 20 киши ҳалок бўлди

31.10.2018 | Жаҳон | 2335

Фараҳ провинцияда Афғонистон ҳарбий кучларига қарашли вертолёт ҳалокатга учради, деб хабар қилди РИА Новости.  

Вертолётда бўлган 20 киши ҳалок бўлди. Буни Афғонистон қуролли кучлар вакили Нажибуллаҳ Нажиби тасдиқлади.

Хабарда айтилишича, иккита вертолёт бирга учган, бироқ улардан бири ҳалокатга учради.

Ҳалокат сабаблари аниқланмоқда.