Mazkur tvorogli pechene juda mayin va ajoyib ta’mga ega bo‘lib, bunday pishiriqlar bolajonlarga albatta ma’qul keladi!

Kerakli masalliqlar:

- 2 ta tuxum;

- 200 gramm shakar;

- 1 choy qoshiq razrixlitel;

- 1 paketcha vanil shakari;

- 200 gramm mayin tvorog;

- 200 gramm yumshatilgan saryog‘;

- 400 gramm (uch stakan) un.

Tayyorlanishi:

1. Tuxum, shakar, vanilin, saryog‘, tvorogni qo‘shib, yaxshilab aralashtiramiz. Bunda blender yoki mikserdan ham foydalanish mumkin.
2. Unni razrixlitel bilan aralashtirib, yuqoridagi aralashmaga elab solamiz.
3. Tezda mayin xamir qoramiz. Xamirni uzoq vaqt aralashtirish shart emas.
4. Xamirni paketga solib, sovutkichga 2—3 soatga qo‘yamiz.
5. Shundan so‘ng, xamirni biroz un sepilgan yuzada 3—4 millimetr qalinlikda yoyib olamiz.
6. Pechene uchun mo‘ljallangan shaklchalar yordamida xamirga turli shakllar beramiz.
7. Pecheneni avvaldan 170—180 darajagacha qizdirilgan duxovkada 20 daqiqaga yaqin pishiramiz.
8. Tayyor bo‘lgan pechenelarni jem, shokolad yoki quyultirilgan sut yordamida bir-biriga yopishtirish mumkin.

Pechene yanada mazali chiqishi uchun uni mehr bilan tayyorlang!

Yoqimli ishtaha!