Joriy yilda to‘rtinchi marotaba o‘tkazilayotgan “MIT.uz” — milliy internet tanlovining finalchilari nomi e’lon qilindi. Tanlovda 14 yoshdan 30 yoshgacha bo‘lgan veb dasturchi, dizayner, robototexnik, jurnalist hamda blogerlar anchadan buyon faoliyat ko‘rsatayotgan yoki 2015 yil 1 iyulgacha internet tarmog‘iga joylashtirilgan saytlari bilan ishtirok etishdi.
Bu yilgi tanlovga 1249 ta ariza kelib tushgani, tanlov g‘oliblari 21 noyabr kuni e’lon qilinishi haqida avval xabar bergan edik. Ayrim tashkiliy masalarning hal etilishi ma’lum vaqtni va savollarga oydinlik kiritishni talab etgani bois finalchilar nomini e’lon qilish to‘rt kunga kechikdi. Tashkilotchilar yuzaga kelgan holat uchun uzrini ma’lum qildi, deya yozadi Tafsilot.uz.
— Tanlovga qiziqish yildan-yilga ortib bormoqda, — deydi “Kamolot” YoIH Markaziy kengashi AKT bo‘limi mudiri Alisher Tojiyev. — Masalan, 2015 yili sakkiz yuzdan ziyod ariza qabul qilingan bo‘lsa, joriy yilda bu ko‘rsatkich 1249 tani tashkil etdi. “MIT.uz”ga asos solingandan buyon kelib tushgan jami arizalar soni esa 4449 tani tashkil etadi. 2013—2015-yillarda 82 nafar ishtirokchi sovrindor bo‘lgan. Bu yilgi taqdirlash marosimidan so‘ng ularning g‘olib va sovrindorlar soni yanada ko‘payadi.
Shunisi e’tiborliki, tanlov qatnashchilarining ishlanmalari o‘tgan yillarnikiga qaraganda ancha sifatli hamda texnik jihatdan yuqorilab borishini kuzatish mumkin. Bu esa tanlovning o‘z oldiga qo‘ygan maqsadlariga erishayotganini anglatadi. Quvonarlisi, bu yilgi tanlovga taqdim etilgan saytlarning 784 tasi joriy yilda ishga tushirilgan.
Tanlovning rasmiy veb-saytida 2016 yilda o‘tkazilgan “MIT.uz” — milliy internet tanlovining finalchilari nomi e’lon qilindi. Quyida 11 ta asosiy nominatsiya bo‘yicha finalga chiqqan saytlar bilan tanishishingiz mumkin:
“O‘zbekistonning boy madaniyati va san’ati, tarixi hamda istiqlol g‘oyalari va ma’naviy qadriyatlarini yorituvchi eng yaxshi sayt” nominatsiyasi bo‘yicha final ishtirokchilari:
mehrob.uz bukhari.uz
chakchak.uz biography.uz
shosh.uz arboblar.uz
meros.uz sohibqiron.uz
tarix.uz uznations.iutlab.uz
“Mahalla, qishloq va shaharlardagi farovon hayotni yoritgan eng yaxshi sayt” nominatsiyasi bo‘yicha final ishtirokchilari:
samcity.uz andijonsadosi.uz
tashrif.uz samarkandcity.uz
sahifa.uz yurtim.zn.uz
buxcity.uz iqbol.uz
shosh.uz goroda.uz
“Davlat tilidagi eng yaxshi sayt” nominatsiyasi bo‘yicha final ishtirokchilari:
oriftolib.uz constitution.uz
gulruxsora.uz hikoya.uz
ertak.uz mulohaza.uz
latifa.uz ayol.uz
farzand.uz texnoman.uz
“Eng yaxshi yangiliklar sayti” nominatsiyasi bo‘yicha final ishtirokchilari:
telegraf.uz tafsilot.uz
uznews.uz terabayt.uz
sof.uz likeit.uz
kruz.uz qalampir.uz
zamin.uz gooper.uz
“Davlat boshqaruvi sohasidagi eng yaxshi sayt” nominatsiyasi bo‘yicha final ishtirokchilari:
elections.uz uzgeolcom.uz
uzedu.uz insonhuquqlari.uz
mehnat.uz uzavtoyul.uz
mvd.uz legprom.uz
mitc.uz oziq-ovqat.uz
“Fan va ta’lim sohasida eng yaxshi sayt” nominatsiyasi bo‘yicha final ishtirokchilari:
itportal.uz orbita.uz
texnoman.uz kids.gov.uz
istudent.uz 1-avgust.uz
qmii.uz englishlife.uz
mylingvo.uz aim.uz
“Yil mazmuniga doir eng yaxshi sayt” nominatsiyasi bo‘yicha final ishtirokchilari:
uzbaby.uz mehridaryo.uz
oilam.uz bolajonim.uz
ayol.uz gulxan.uz
farzand.uz yoshoila.uz
“Tibbiyot sohasidagi eng yaxshi sayt” nominatsiyasi bo‘yicha final ishtirokchilari:
vitamed.uz avitsenna.uz
askdoctor.uz sotma.uz
kliniki.uz dentamed.uz
webstom.com
Ushbu finalchilar orasidan har bir nominatsiya bo‘yicha 3 tadan g‘olib va sovrindorlar saralab olinadi. Qo‘shimcha nominatsiya bo‘yicha final ishtirokchilari taqdirlash marosimidan 3 kun avval e’lon qilinadi. Taqdirlash marosimi 12 dekabr kuni bo‘lib o‘tishi rejalashtirilgan.
Eslatib o‘tamiz, “MIT.uz” tanlovining 2016 yilgi g‘oliblari professional noutbuk, zamonaviy smartfon, LED televizorlari hamda maxsus diplom bilan taqdirlanadi.
“MIT.uz” — milliy internet tanlovi tashkiliy qo‘mitasining izohi:
Tanlovga kelib tushgan arizalar faqat onlayn tarzda qabul qilindi. Qog‘oz shaklidagi anketalar qabul qilinmadi. Tanlov g‘oliblarini saralash nizom bo‘yicha amalga oshirildi. Bu yilgi tanlovda qo‘shimcha ikki bosqich qo‘shildi ya’ni:
Birinchi bosqich: www.uz reytingdagi faollik hisobga olindi.
Ikkinchi bosqich: “Facebook”dagi sahifamizda “MITUZ Live” (jonli so‘rovnoma) ko‘rinishida o‘tkazildi. Jonli so‘rovnoma ekspert guruhi tomonidan qo‘yilgan ballar teng bo‘lgan sayt juftliklari o‘rtasida o‘tkazildi. (Masalan: likeit.uz va uznews.uz saytlari teng ball olishgan va tafsilot.uz va telegraf.uz saytlari ham teng ball olishgan edi. Biz bu saytlarni bitta jonli so‘rovnomaga qo‘yib, ularga onlayn tarzda ovoz berish orqali qo‘shimcha ball qo‘shdik). “MITUZ Live” 5 yoki 6 ta saytlar o‘rtasida o‘tkazildi va eng ko‘p reaksiya to‘plagan saytlarga mos ravishda 10, 5, 4, 3, 2 va 1 ball qo‘shib berildi.
