O‘zbekiston Prezidenti Shavkat Mirziyoyev Nukus shahrida Qoraqalpog‘iston Respublikasining bir qator faollari bilan uchrashdi. Unda Qoraqalpog‘istonni ijtimoiy-iqtisodiy rivojlantirish, aholi uchun munosib turmush sharoit yaratish masalalariga alohida e’tibor qaratildi, deb yozmoqda Kun.uz.

"Sog‘liqni saqlash va aholi genofondini muhofaza qilish borasida jami 208 milliard so‘mlik 15 loyihani amalga oshirish ko‘zda tutilgan. Jumladan, 5 yoshgacha bo‘lgan 375 ming bola va 80 mingga yaqin homilador ayol bepul vitamin va mineral komplekslari bilan ta’minlanadi. Bu esa, o‘z navbatida, ayollar va bolalar o‘rtasida kasallanishning oldini oladi.

70 mingga yaqin qariya har xil vitaminlar kompleksi bilan ta’minlanadi va ularni profilaktik ko‘rikdan o‘tkazish maqsadida tibbiy xizmat ko‘rsatiladi. 3 mingdan ziyod kishiga maxsus tibbiy yordam ko‘rsatish ko‘zda tutilgan.

Tibbiy xizmat sifatini oshirish maqsadida 26ta tez yordam stansiyalarining  moddiy texnika bazasini yanada yaxshilash va umumiy amaliyot shifokorlari uchun qishloq tibbiy punktlar, uy-joylar quriladi.