«Kamolot» YoIH Toshkent shahar Kengashi “Shirintoy bolajon” foto tanlovini e’lon qiladi. Foto tanlov «Kamolot» YoIH Toshkent shahar Kengashi tomonidan tashkil etilib, O‘zbekiston Badiiy Akademiyasi va Toshkent shahar xokimligi bilan hamkorlikda amalga oshirilmoqda.
Foto tanlovni o‘tkazishdan asosiy maqsad, “Sog‘lom ona va bola yili” davlat dasturida ko‘zda tutilgan onalar va bolalar sog‘ligiga e’tibor berish hamda ertamiz egalari bo‘lgan bolajonlarning bugungi kunda erishayotgan yutuqlarini va ularning sog‘lom turmush tarzini yoritib berishdan iboratdir.
Tanlovda O‘zbekiston Respublikasining 35 yoshgacha bo‘lgan barcha fuqarolari ishtirok etishlari mumkin. Fotosuratlar
- mamlakatimizda bolajonlarga berilayotgan yuksak e’tiborni;
- bolajonlarning sog‘lom turmush tarzidan lavhalarni;
- yoshavlodning ta’limda, sportda va ijtimoiy sohalarda erishayotgan yutuqlarini yoritib bermog‘i lozim.
Fotosuratlarda faqat 14 yoshgacha bo‘lgan bolajonlar va ularning ota-onalari aks ettirilgan bo‘lishi mumkin.
Tanlov ishtirokchilari fotosuratlarni «Kamolot» YoIH Toshkent shahar Kengashining Facebook va Instagram sahifasiga joylashlari kerak bo‘ladi. Joylangan fotosuratlar tarmoq foydalanuvchilari tomonidan baholab boriladi va eng ko‘p ovoz to‘plagan 20 ta fotosuratlar asosida joriy yilning dekabr oyida “Shirintoy bolajon” nomli galereya tashkil etiladi. Ushbu suratlar orasidan hakamlar hay’ati bahosiga ko‘ra 3 ta o‘rin g‘oliblar aniqlab olinadi va galereya ochilish kunida qimmatbaho sovg‘alar bilan taqdirlanadilar. Asosiy sovrin zamonaviy “Planshet”.
Fototanlovning qolgan shartlari va nizomi bilan tashkentcity.kamolot.uz saytida tanishishingiz mumkin.
Tanlovga ijodiy ishlar 2016-yilning 1- noyabridan 1-dekabriga qadar [email protected]elektron manzili orqali qabul qilinadi. Ma’lumot uchun telefonlar +99871 232-1911 +99897 752-9700
Loyiha axborot ko‘magi www.kun.uz, www.daryo.uz, www.uzdaily.uz va www.xushnudbek.uz saytlari.
Tanlov bosh homiysi “Kippers” TM savdo belgisi.
