Shu yilning 7 avgust kuni MegaPlanet savdo markazining to‘rtinchi qavatida Robokidz - robotlar texnikasi maktabi o‘quvchilari o‘rtasida musobaqa o‘tkaziladi. Bu haqda Uz24.Uz xabar bermoqda.

Musobaqa boshida ishtirokchilar jamoasi robotlarni yig‘ishi va ularni dasturlashtirishi kerak bo‘ladi, so‘ng esa bahsga kirishadi.

Musobaqa ishtirokchilari jami 6 ta jamoa (har biri 2 kishidan)ga ajratiladi. Jamoalar orasidan g‘olibni hakamlar aniqlaydi.

Musobaqa soat 18:30 da boshlanib, 20:30 da tugaydi.

Robokidz - robotlar texnikasi maktabi bolalarni fizika va matematika asosida konstruksiyalash, dasturlashtirishga o‘rgatadi. Maktab har oyning birinchi yakshanbasida o‘quvchilar o‘rtasida musobaqalar tashkil etadi.  Bundan maqsad, 2016 yilning noyabr oyida Hindistonda bo‘lib o‘tadigan robotlar olimpiadasiga hamda xalqaro turnirlarga tayyorlashdir.