P. Maxover psixologning fikricha, bolaning chizgan rasmi uning aqliy rivojlanishi haqida ma’lumot berishi mumkin ekan.

Yoshi 5 dan oshgan boladan biron odam rasmini chizishini so‘rang. "Qanday odam?" desa, aniq javob bermang. "Sen istagan odam", "ixtiyoriy odam", deb javob berish lozim. Chizgan rasmiga quyidagi ko‘rsatkichlarga qarab baho beriladi:

• Odamning ikki oyog‘i bor;
• Odamning boshi mavjud;
• Qo‘li ikkita;
• Tana bilan boshi ajratib chizilgan;
• Tana kengligi va uzunligi proporsional;
• Yelkalar aniq ko‘rinib turibdi;
• Qo‘l va oyoqlar tana bilan to‘g‘ri ulangan;
• Qo‘l va oyoqlarning tanaga ulangan joyi aniq ko‘rsatilgan;
• Bo‘yin mavjud;
• Bo‘yin uzunligi tana hajmiga proporsional;
• Yuzida ko‘zlari mavjud;
• Yuzida burni mavjud;
• Og‘zi mavjud;
• Burun va og‘zi normal hajmga ega;
• Burun teshiklari ko‘rinib turibdi;
• Sochlar chizilgan;
• Sochlar aniq bo‘lib, boshni qoplab turibdi;
• Odam kiyim kiygan;
• Kiyimning ba’zi qismlari mavjud (shim, ko‘ylak);
• Butun kiyimi aniq ko‘rsatilgan;
• Kiyimda noaniq yoki tushunarsiz buyumlar mavjud emas;
• Qo‘lning barmoqlari mavjud;
• Har bir qo‘lida 5 tadan barmoq bor;
• Barmoqlar hajmi proporsional bo‘lib, tarvaqaylamagan;
• Katta barmoq aniq ko‘rsatilgan;
• Bilaklar ko‘rinib turibdi;
• Tirsak ko‘rinmoqda;
• Tizzalar ko‘rinmoqda;
• Boshning tanaga nisbatan hajmi proporsional;
• Qo‘llar tanaga nisbatan juda uzun emas;
• Tovon uzunligi oyoqlar uzunligiga mos;
• Oyoqlar uzunligi tana uzunligiga proporsional;
• Qo‘l va oyoq uzunliklari proporsional;
• Oyoqlarda tovon ko‘rinib turibdi;
• Bosh shakli to‘g‘ri;
• Tana shakli to‘g‘ri;
• Odamning umumiy ko‘rinishi ravon;
• Odam rasmida qo‘pol xatolar mavjud emas;
• Quloqlar mavjud;
• Quloqlar o‘z joyida bo‘lib, hajmi to‘g‘ri;
• Qosh va kipriklar mavjud;
• Ko‘z qorachig‘lari to‘g‘ri joylashgan;
• Ko‘z hajmi yuz hajmiga mos;
• Odam to‘g‘riga qaramoqda, ko‘zlar chetga qaratilmagan;
• Peshona va daxan ko‘rinib turibdi;
• Lablar daxanga ulanib ketmagan.

Farzandingiz rasmida yuqoridagi ko‘rsatkichlarning qaysi biri mavjud bo‘lsa, 1 balldan berasiz. Hamma ballarni qo‘shib quyidagi bolaning yoshiga nisbatan olishi kerak bo‘lgan o‘rtacha ballar soni bilan solishtirasiz.

5 yosh - 10 ball 6 yosh - 14 ball 7 yosh - 18 ball 8 yosh - 22 ball 9 yosh - 26 ball 10 yosh - 30 ball 11 yosh - 34 ball 12 yosh - 38 ball 13 yosh - 42 ball 14 yoshdan katta - 42 balldan yuqori

Bolaning chizgan rasmiga qo‘yilgan ball yoshiga nisbatan o‘rtacha balldan qancha ko‘p bo‘lsa, shunchalik bola aqliy rivojlangan deb hisoblanadi. Va, aksincha, yiqqan ball yoshiga nisbatan o‘rtacha balldan pastroq bo‘lsa, u holda u bilan ko‘proq suhbatlashish, o‘yin o‘ynash va birga kitoblar o‘qish talab etilishi mumkin.