Disney студияси “Оловуддин” (“Аладдин”) филми учун очиқ танлов эълон қилди, деб хабар бермоқда Kun.uz. Эртакдаги бош роллар учун Яқин Шарқ мамлакатларидан 18-25 ёшдаги актёрлар қидирилмоқда.

Картина “Соҳибжамол ва махлуқ” каби мусиқали бўлади, шунинг учун лойиҳада иштирок этмоқчи бўлганлар қўшиқ куйлай олиши, шунингдек рақс ижро эта билиши керак.

Фильм режиссёри Гай Ричи. Суратга олиш жараёни Буюк Британияда 2017 йилнинг июлидан 2018 йилнинг январь ойига қадар бўлиб ўтади. Репетициялар эса апрелда бошланади.

Эслатиб ўтамиз, “Оловуддин” мултфильми 1992 йилда чиққанди. Жин образига Робин Уилямс овоз берган. Мултфильм 2та “Оскар” мукофотини қўлга киритган.