5 январь куни бўлиб ўтган Халқ депутатлари Тошкент вилояти кенгашининг навбатдан ташқари сессиясида Ўзбекистон Президенти Шавкат Мирзиёев вилоятдаги мактабгача таълим муассасаларининг аҳволи, бу борада қилиниши лозим бўлган ишларга тўхталиб ўтди, деб ёзади «Xabar.uz».

«Тошкент вилоятида 2018 йили 300 та замонавий болалар боғчаси қурилади», деди Ўзбекистон раҳбари.

Нашр эслатишича, Шавкат Мирзиёев 2017 йилнинг 22 декабридаги парламентга мурожаатида болалар тарбиясида энг асосий бўғин ҳисобланган мактабгача таълим тизимининг жамият ҳаётидаги катта ўрни ва аҳамиятини эътиборга олиб, Мактабгача таълим вазирлигини ташкил этилгани, бу соҳанинг моддий-техник базасини мустаҳкамлаш, жумладан, яқин 3—4 йилда барча ҳудудларда минглаб янги боғчалар қуриш, таълим-тарбия сифати ва даражасини янги босқичга кўтариш лозимлигини таъкидлаган эди.