Эгизаклар туғилиши – бу жуда камдан-кам юз берадиган ҳодиса бўлиб, эгизаклар янги туғилганларнинг бор-йўғи 2 фоизини ташкил қилади.

Кўп ҳомилали ҳомиладорлик ҳар хил бўлади. Бундай ҳомиладорлик натижасида туғилган ҳамма болалар ҳам бири-бирига ўхшаш бўлавермайди. Эгизаклар бир тухумли ёки икки тухумли бўлиши мумкин.

Икки тухумли эгизаклар ўзаро худди ака-ука ва опа-сингиллар каби ўхшаш бўлади.

Бир тухумли эгизаклар эса бир-бирига шунчалик ўхшаш бўладики, баъзан ўз оналари ҳам ажрата олмайди.

Икки тухумли эгизакларга ҳомиладор бўлиш эҳтимоли

Ёш катталашган сари организмда гормонлар кўпроқ ишлаб чиқарила бошлайди. Шунинг учун 35—39 ёшдаги аёлларнинг икки тухумли ҳомиладор бўлиш эҳтимоли кўпроқ.

Гормонлар ишлаб чиқарилиши фақат ёшга боғлиқ бўлмайди. Эгизакларга ҳомиладор бўлишнинг энг яхши вақти – баҳор фасли ҳисобланади.

Наслдан-наслга ўтиш ҳам эгизаклар туғилишида катта аҳамиятга эга.

Манба: Daryo.uz