Тарбияси оғир бўлган болалар — ота-оналар ва педагогларнинг доимий бош оғриғи ҳисобланади. Кўпчилик ҳолларда болаларнинг ёмон хулқини ота-оналарнинг бунга бўлган муносабатларининг асл сабабини кўриб чиқиш йўли билан енгишга муваффақ бўлинади.
Тарбиянинг энг муҳим қоидалари
Болалар тарбияси мавзуси — бениҳоя кенг, кўпқиррали, кўп қатламли ва оддий одамлар томонидан қабул қилиниши жуда қийин.
Тарбияси оғир бўлган болаларнинг ота-оналарига муаммоларини ҳал қилишда ёрдам берувчи асосий қоидалар зарур бўлади. Бундай қоидаларга қуйидагиларни киритиш мумкин:
- Бола ўзини яхши тутган пайтлари ҳар доим уни кўпроқ мақтанг. Бу унинг қувонч билан ҳар доим сиз маъқуллаганингиздек ўзини тутишга ҳаракат қилишига ёрдам беради.
- Агар бола инжиқлик қилса ва ўзини нотўғри тутса — боланинг шахсини муҳокама қилманг! Унинг айнан шу лаҳзадаги хулқини муҳокама қилинг. Шундай қилсангиз бола ўзини ҳурмат қилишларини, яхши кўришларини, лекин ҳозирги қилган иши нотўғри эканлигини тушунади.
- Ҳар доим фарзандингизнинг ёшини ва ривожланишини ҳисобга олинг.
- Боладан сўраётган талабларингиз мантиқий бўлиши керак.
- Ножўя иш учун бериладиган жазоларнинг вақтлари изчил бўлиши керак.
- Болани жазолашда ўзингиз хотиржам бўлишингиз керак.
- Бола гапга қулоқ солмасдан инжиқлик қилаётганда гапингиз оҳанги ва тахлитига эътибор беринг — ўзингиз сиз билан шу йўсинда гаплашишларини хоҳлармидингиз?
- Ҳар доим бола сизни тушунаётганига ишонч ҳосил қилинг.
Манба: Daryo.uz
