Аксарият ҳолларда гўдаклар ҳаётининг биринчи йилида, бош қисмида, сочлар тагида сариғимтир, оқимтир, қазғоқлар пайдо бўлиши кузатилади. Бу сут қатлами деб аталади. “Сут қатлами” пайдо бўлганда гўдакнинг ота-онаси педиатр билан маслаҳатлашиши керак. Агарда педиатр бу ҳолатни бошқа бир касаллик (масалан аллергия) билан боғламаса, сиз улардан осонгина қутулишингиз мумкин.

Кўчмаган қазғоқларни куч билан олиб ташлаш тавсия этилмайди. Шунчаки кейинги чўмилтиришдан аввал бу ҳаракатни қайтаринг.

Сизга қуйидагилар зарур бўлади:

• Гўдак ёғи
• Кўпик-шампунь
• Янги туғилган гўдак учун махсус мўйтароқ

Бошлаймиз:

• Кечки чўмилтиришдан тахминан 1-1,5 соатлар олдин гўдак бошига ёғ суртиб чиқинг. У бош терисини юмшатади.
• Кечки чўмилтириш пайтида кўпиклик шампунь билан ювиб ташланг.
• Чўмилтиргандан сўнг махсус мўйтароқ билан асталик билан тозалаб ташланг.

Мўйтароқ кўриниши:

Манба: Beka.Uz