Бола 1 ойлигида қуйидагиларни қила олади:

• микроҳаракатларни амалга оширади ва гапирувчининг гап оҳангига мос товушлар чиқаради;
• ранглар (қизил, сариқ, қора ва оқ), чизиқлар ва катакларни ажрата олади;
• унга энгашиб турган кишининг юзига нигоҳини қадайди;
• товушларнинг ўзига хослигини ажратади;
• онасини овозидан, ҳидидан, қўли тегишидан танийди;
• қимирламай турган буюмга нигоҳини қадайди ва у текис силжиган тақдирда, уни нигоҳи билан кузата олади;
• қорнида ётиб, кўтарилишга ва бошини тутиб туришга уринади.

2 ойлигида:

• овоз ёки энгашган юзга жавобан табассум қилади;
• ҳаракатланаётган ва ҳаракатдан тўхтаган буюмга нигоҳини қадайди ва уни кўриш майдонида тутиб туради;
• товуш келган томонга бошини буради ва уни кўзи билан қидиради;
• у билан қилган мулоқотга жавобан, тетикланиб кетади;
• қорнида ётиб, бошини тутиб туришга интилади;
• унли товушларга урғу берган ҳолда овоз чиқаради;
• ёнбошидан орқасига ағанайди.

3 ойлигида:

• онаси ва отасининг юзларини танийди, у билан мулоқот қилишганида кулади;
• инжиқланади, зорланиб йиғлайди, норози оҳангда бақиради;
• ғовур-ғувур, ғув-ғув овоз чиқаради, катталар билан суҳбат қилади;
• каравотча тепасига осиб қўйилган ўйинчоқларга қўлини олиб бора олади;
• ўйинчоқни тутиб олади ва оғзига олиб боради;
• қорнида ётиб билакларига таянган ҳолда бошини кўтариб туради;
• чалқанча ётган ҳолда ёнбошига ағанайди;
• қўлтиғидан тутиб турилганида қаттиқ юзага оёқчалари билан тиралиб туради;
• бошини тутиб туради ва уни бошқара олади;
• товуш ва ёруғлик манбасини топа олади.

4 ойлигида:

• онасини (ёки уни доимий равишда парвариш қиладиган кишини) танийди ва уни бошқалардан афзал кўради;
• таниш кишилар овозларини нотанишларникидан ажрата олади;
• пишиллайди, илк бўғинларни талаффуз қилади;
• осилиб турган ўйинчоқларни бир қўли ёки бир пайтнинг ўзида иккала қўли билан ҳам ушлай олади;
• ўз исмини танийди ва уни чақиришганида қайрилиб қарайди;
• чалқанча ётган ҳолда елкасини ва бошини кўтаради;
• таниш ва нотаниш нарсаларга турлича реакция кўрсатади;
• “севимли” ва “хуш кўрмайдиган” ўйинчоқларини ажратади.

5 ойлигида:

• расмлардаги юзларни жон-дили билан томоша қилади;
• оҳангдорлик билан ғовур-ғувур овозлар чиқаради, бижир-бижир гапларга ўта бошлайди;
• буюмларни тутиб олади, ушлаб туради, пайпаслайди, ўзига тортади, отиб юборади;
• таниш ва нотаниш кишилар юзларини ажратади;
• бегоналарга нисбатан ҳушёрлик билан муносабатда бўлади;
• мустақил тарзда 5—10 дақиқа ўйинчоқлари билан банд бўлади;
• чалқанча ётган ҳолда қорнига ағдарилиб олади, қўлларига таянади, ўтиришга ҳаракат қилади;
• қорнида ётиб, кафтларига таянади ва қўлини тик қилади;
• “ку-ку” деб ўйнайди, овутишлар оҳангига мос тарзда ғулдирайди.

6 ойлигида:

• ўзи эшитган эшитган овозларга жавобан ғулдурайди ва уларга тақлид қилади;
• гапга диққат билан қулоқ солади;
• сиз гапираётган буюмларни нигоҳи билан излаб топади;
• бегоналар билан маълум масофани сақлайди;
• ўйинчоқларини бир қўлидан иккинчисига олади;
• тутиб олган нарсасини отади, ўйинчоқни ипидан тезгина тортади;
• буюмларни бир идишдан иккинчисига солади;
• чўзилган қўлидан 10—20 см узоқликдаги ўйинчоққа қараб судралиб боради;
• бирор нарсага таяниб, ўрнидан туришга ўрганади.