Ташрифчиларнинг кўпсонли талабларига ҳамда «ходимларнинг эски орзусига» мувофиқ Тошкент ҳайвонот боғига Африка ҳайвонот дунёсининг энг машҳур намояндаларидан бири — жирафа олиб келинди. Бу ҳақда Daryo.uz ёзмоқда.

Биродар Олмаота ҳайвонот боғи бизга уч ёшли Олатов эркак жирафасини беришга рози бўлди. Унинг исми ҳайвонот боғининг расмий сайтида ўтказилган сўровнома асосида қўйилган. Унинг ота-онаси — Хон ва Грация, шунингдек, яна бир урғочи — Сулув 2003 йилда ЖАРдан олиб келинган эди. Шу йиллар давомида улар 12 фарзанд дунёга келтирди.

Олатов узоқ йўлни муваффақият билан босиб ўтиб, янги ҳудудга мослашди ва эндиликда Шаҳзод исмли ходим назорати остида катта иштаҳа билан мева, сабзавот, акация ва қайрағоч шохларини тановул қилмоқда.

«Барча хоҳловчиларни ҳайвонот боғимизга ташриф буюриб, янги жониворимиз билан танишишга таклиф қиламиз», — деб мурожаат қилди ташрифчиларга ҳайвонот боғи расмийлари.